நியூஸிலாந்து பிரதமருக்கு பதிலாக உயர்ஸ்தானிகர் இலங்கை வருவார்

(காந்திய சேனநாயக்க)

இலங்கை – நியூஸிலாந்து அணிகளுக்கிடையிலான உலகக் கிண்ண அரையிறுதிப் போட்டியை நியூஸிலாந்து பிரதமருக்குப் பதிலாக இந்தியாவிலுள்ள நியூஸிலாந்து உயர்ஸ்தானிகர்  நேரில் பார்வையிடவுள்ளதாக ஜனாதிபதி ஊடகப் பிரிவின் பணிப்பாளர் நாயகம் பந்துல ஜயசேகர தெரிவித்தார்.

கொழும்பு ஆர்.பிரேமதாஸ அரங்கில் நடைபெறவுள்ள இலங்கை – நியூஸிலாந்து அணிகளுக்கிடையிலான உலகக்கிண்ண அரையிறுதிப் போட்டியை பார்வையிட வருமாறு ஜனாதிபதி விடுத்த அழைப்பு குறித்து நியூஸிலாந்துப் பிரதமர் சந்தோஷமடைந்தார். இருப்பினும் மாகாணங்களுக்கான பயணத்தை முடித்துக்கொண்டு  தற்போது தான் அவர் வெலிங்டனுக்கு வந்துள்ளார்.  இந்த நிலையில் அவருக்கு இலங்கைக்கான பயணத்தை மேற்கொள்ளுவதற்கு நேரமில்லையெனவும் அவர் கூறினார்.

இலங்கை – நியூஸிலாந்து அணிகளுக்கிடையிலான உலகக்கிண்ண அரையிறுதிப் போட்டியை பார்வையிட வருமாறு நியூஸிலாந்து பிரதமர் ஜோன் கீக்கு ஜனாதிபதி நேற்று அழைப்பு விடுத்திருந்தமை குறிப்பிடத்தக்கது.