‘நா’ தடுமாறினார் காமினி

ஐக்கிய மக்கள் சுதந்திரக் கூட்டமைப்பின் உறுப்பினரான காமினி லொக்குகே ஒரு தேர்தல் பிரசாரக் கூட்டத்தில் பேசும் பொழுது வாய் தடுமாறி ஓகஸ்ட் 17 தேர்தலில் பிரதமர் ரணில் விக்கிரமசிங்க பின்னால் அணி திரண்டுள்ளதாக கூறியுள்ளார். இவர் வாய் தடுமாறியது சமூக ஊடகங்களில் வெளியாகியுள்ளன.

இது குறித்து ஊவா மாகாண முதலமைச்சர் ஹரின் பெர்ணான்டோ கருத்து தெரிவிக்கையில், இந்தப் பேச்சு தவறியமை யார் உண்மையில் வெல்லப் போகிறார்கள் என்பதை உணர்த்தியுள்ளது என்றார்.

மேலும், தனது முன்னாள் தலைவரும் அவரை வளர்த்துவிட்டவருமான ரணில் தேர்தலில் வெற்றிப் பெறுவாரென காமினி லொக்குகே கூறிவிட்டார். பொய் சொல்ல சிலர் முயன்றாலும் நாக்கு பொய்க் கூறாது எனவும் அவர் தெரிவித்தார்.