சனல் - 4 வீடியோ தொடர்பான விசாரணை; நல்லிணக்க ஆணைக்குழு முஸ்தீபு

(லக்னா பரணமன்னா)

கற்றுக்கொண்ட பாடங்கள் மற்றும் நல்லிணக்க ஆணைக்குழு, இலங்கை தொடர்பில் சனல் - 4 ஒளிபரப்பிய ஆவண வீடியோ காட்சியை ஆணைக்குழுவின் கடமைப்பொறுப்பின் ஒரு பகுதி என்ற வகையில் பார்வையிட விரும்புவதாக அறிவித்துள்ளது.

சனல் 4 முன்பு ஒளிபரப்பிய வீடியோ காட்சிகளை நாம் பார்த்துள்ளோம். இது தொடர்பில் நிபுணர்களின் அபிப்பிராயத்தை நாம் பெற்றிருந்தோம். இதே மாதிரி எமது கடமையின் ஒரு பகுதியாக இந்த வீடியோ காட்சிகளையும் ஆராயவுள்ளோமென கற்றுக்கொண்ட பாடங்கள் மற்றும் நல்லிணக்க ஆணைக்குழுவின் பேச்சாளர் லக்ஷ்மான் விக்ரமசிங்க இன்று டெய்லிமிரர் இணையத்தளத்திற்கு கூறினார்.

மொரட்டுவ பல்கலைக்கழகத்தின் கணினி விஞ்ஞானம் மற்றும் பொறியியல் பீடத்தின் சிரேஷ்ட விரிவுரையாளர் சத்துர டி சில்வா, கற்றுக்கொண்ட பாடங்கள் மற்றும் நல்லிணக்க ஆணைக்குழுவின் அழைப்பை ஏற்று சனல் - 4 முன்னர் மே மாதத்தில் ஒளிபரப்பிய வீடியோ காட்சி பற்றிய நிபுணத்துவ கருத்தை கூறியிருந்தார்.