மலாக்கா முதலமைச்சர் அம்பாறையில்...

(அப்துல் அஸீஸ், எஸ்.எம்.எம்.ரம்ஸான்)

அம்பாறை மாவட்டத்தில் வெள்ளத்தினால் பாதிக்கப்பட்ட பிரதேசங்களுக்கு மலேசியாவின் மலாக்கா  மாநில முதலமைச்சர் முஹம்மட் அலி பின் முஹம்மட் ருஸ்தான் இன்று ஞாயிற்றுக்கிழமை விஜயம் செய்தார்.

ஸ்ரீலங்கா முஸ்லிம் காங்கிரஸ் தலைவரும் நீதி அமைச்சருமான ரவூப் ஹக்கீமின் அழைப்பின் பேரில் மலேசியா நாட்டு மலாக்கா மாநில முதலமைச்சர் முஹம்மட் அலி பின் முஹம்மட் ருஸ்தான், இலங்கைக்கான மலேசியா உயர் ஸ்தானிகர் றொஸ்லி இஸ்மாயில் மற்றும் இலங்கைக்கான ஈரான் தூதுவர் மஹ்மூத் ரஹ்மி ஜேர்ஜி ஆகியோர் தென்கிழக்கு பல்கலைக்கழகம், மாளிகைக்காடு, சாய்ந்தமருது, கல்முனை மற்றும் மருதமுனை ஆகிய பிரதேசங்களுக்கு விஜயம் செய்து வெள்ளத்தினால் பாதிக்கப்பட்ட மக்களையும் இடங்களையும் பார்வையிட்டனர்.

இதன்போது, ஸ்ரீலங்கா முஸ்லிம் காங்கிரஸ் தலைவரும் நீதி அமைச்சருமான ரவூப் ஹக்கீம், பிரதியமைச்சர் பஷீர் சேகுதாவூத், நாடாளுமன்ற உறுப்பினர்களான எச்.எம்.எம்.ஹரீஸ், பைசால் காசீம், கிழக்கு மாகாண சபை உறுப்பினர்களான ஏ.எம்.ஜெமீல் மற்றும் ஏ.எம். மஜீட் உட்பட  பலர் தூதுக்குழுவுடன் விஜயம் செய்தனர்.