யானைகளின் தாக்குதல்கள் காரணமாக 3 வீடுகள் சேதம்

-வா.கிருஸ்ணா

மட்டக்களப்பு, வவுணதீவு மற்றும் பட்டிப்பளை பிரதேச செயலகப் பிரிவுகளுக்குட்பட்ட பகுதிகளில் இன்று ஞாயிற்றுக்கிழமை அதிகாலை யானைகளின் அட்டகாசம் காரணமாக மூன்று வீடுகள் சேதமடைந்துள்ளன.

வவுணதீவு பிரதேச செயலகப் பிரிவுக்குட்பட்ட  பன்சேனைக் கிராமத்தில்; ஒரு வீடும் நல்லதண்ணிஓடைக் கிராமத்தில்; ஒரு வீடும் பட்டிப்பளை பிரதேச செயலாளர் பிரிவுக்குட்பட்ட தாந்தாமலை, விளாவடிவட்டைக் கிராமத்தில் ஒரு வீடும் சேதமடைந்துள்ளதாக தகவல்கள் தெரிவிக்கின்றன.

மேலும், நல்லதண்ணிஓடைக் கிராமத்திலுள்ள வீடொன்றை உடைத்த யானை,  அங்கு சிறுபோகச் செய்கைக்காக வைக்கப்பட்டிருந்த விதைநெல்லை உட்கொண்டுள்ளது. அத்துடன், பயிர்களையும் சேதப்படுத்தியுள்ளது.