மீள்குடியேறிய மக்களுக்கு சுயதொழில் உபகரணங்கள்

(ரி.எல்.ஜவ்பர்கான்)

வன்னியிலிருந்து இடம்பெயர்ந்து வாகரை பிரதேச செயலாளர் பிரிவில் மீள்குடியேறியுள்ள ஏழு கிராமங்களைச் சேர்ந்த மக்களுக்கு சுமார் 11 இலட்சம் ரூபாய் பெறுமதியான சுயதொழில் உபகரணங்கள் இன்று வியாழக்கிழமை  காலை பகிர்ந்தளிக்கப்பட்டன.

வாகரை பிரதேச செயலகத்தில் பிரதேச செயலாளர் எஸ்.இராகுலநாயகி தலைமையில் நடைபெற்ற வைபவத்தின்போது கோழி வளர்ப்பு, கால்நடை, சிறுகடை வியாபாரம், விவசாயம் ஆகிய தொழில்களுக்காக பகிர்ந்தளிக்கப்பட்டன.

காயங்கேணி, மதுரங்குளம், ஆலங்குளம், கட்டுமுறிவு, வட்டவான், மாங்கேணி, புட்டாங்கேணி ஆகிய கிராமங்களைச் சேர்ந்த மக்கள் இப்பொருட்களைப் பெற்றுக்கொண்டனர். ஹரிட்டாஸ் எகெட் நிறுவனத்தினால் இந்நிவாரணம் வழங்கப்பட்டதாக நிறுவனத்தின் ஊடக பொறுப்பாளர் எஸ்.மைக்கல் தெரிவித்தார்.