ஆசிய வங்கியின் ரூ.250 மில்லியன் செலவில் கொக்கட்டிச்சோலை வீதி புனரமைப்பு

(ஜிப்ரான்)

மட்டக்களப்பு, மன்முனைத்துறையிலிருந்து கொக்கட்டிச்சோலைக்குள் நுழையும் பிரதான பாதையான தாளங்குடா, மாவடிமுன்மாரி வீதி ஆசிய அபிவிருத்தி வங்கியின் 250 மில்லியன் ரூபா செலவில் முழுமையாக புனரமைக்கப்பட்டு வருவதாக மட்டக்களப்பு மாவட்ட வீதி அபிவிருத்தி திணைக்களம் தெரிவித்துள்ளது.

13.4 கிலோ மீற்றர் நீளமான இவ்வீதியின் புனரமைப்பு பணிகள் துரிதகதியில் நடைபெற்று வருவதாகவும் இதுவரையில் 45 சதவீத பணிகள் முடிவுற்றுள்ளதாவும் திணைக்களத்தின் தொழில் நுட்பஉத்தியோகத்தர் வி.வரதராஜன் தெரிவித்தார்.