இரு வீடுகளில் வெடிப்புகள் ; 9 பேர் வெளியேற்றம்

எஸ்.கணேசன்

தொடர் மழை காரணமாக, கொட்டகலை யூலிபீல்ட் தோட்டம், வெலிங்டன் பிரிவிலுள்ள இரு வீடுகளில் வெடிப்புகள் ஏற்பட்டுள்ளது.

இதனால், அவ்வீடுகளில் வசித்து வந்த 2 குடும்பங்களைச் சேர்ந்த சுமார் 9 பேர் வெளியேற்றப்பட்டுள்ளதுடன், இவர்கள் தோட்ட சிறுவர் பராமரிப்பு நிலையத்தில் தங்க வைக்கப்பட்டுள்ளனர்.

இவர்களுக்கான உலருணவு மற்றும் தேவையான வசதிகளை கிராம அதிகாரி வழங்கி வருகின்றார்.

எனினும், தோட்ட நிர்வாகம் தமக்கு எவ்வித மாற்று நடவடிக்கைகளையும் முன்னெடுக்கவில்லை எனவும், நிவாரண உதவிகளையும் செய்யவில்லை எனவும் பாதிக்கப்பட்டவர்கள் தெரிவித்தனர்.

மேலும், இவ்விடயம் தொடர்பாக உரிய அதிகாரிகள் உடனடியாக இதற்கு உரிய தீர்வை பெற்றுக்கொடுக்க வேண்டும்” என இம்மக்கள் கோரிக்கை விடுக்கின்றனர்.