குளவிக்கொட்டுக்கு இலக்காகி 30 பேர் பாதிப்பு

செ.பெருமாள்

மஸ்கெலியா, ரைட் அக்கரை தோட்ட புலூம்பீல்ட் பிரிவில் தேயிலைத்தோட்டத்தில் வேலை செய்துகொண்டிருந்த 30 பேர் குளவிக்கொட்டுக்கு இலக்காகி மஸ்கெலியா மாவட்ட வைத்தியசாலையில் அனுமதிக்கப்பட்டுள்ளதாக மஸ்கெலியா பொலிஸார் தெரிவித்தனர்.

இதனுள் 27 பெண்களும் 3 ஆண்களும் உள்ளடங்குவதாக பொலிஸார் தெரிவித்தனர்.

இதில் 15 தொழிலாளர்கள் வெளி நோயாளர்கள் பிரிவில் சிகிச்சை பெற்று வீடு திரும்பியுள்ளதுடன் மேலும் 15 பேர் வைத்தியசாலையில் தங்கி சிகிச்சை பெற்று வருகின்றனர்.