சுற்றுலா பயணிகளின் விவரங்களைத் திரட்ட நடவடிக்கை

எம்.கிருஸ்ணா

ஹட்டன் நகரிலுள்ள சுற்றுலா விடுதிகளுக்கு வருகைத் தருவோரின் விவரக்கோவையை, நாளாந்தம் நகரசபைக்கு வழங்குமாறு, ஹட்டன்- டிக்கோயா நகரசபையின் தலைவர் ஆர்.பாலச்சந்திரன் வேண்டுகோள் விடுத்துள்ளார்.

கொரோனா தொற்றுத் தொடர்பில், நாடளாவிய ரீதியில் ஏற்பட்டுள்ள அச்சம் காரணமாக, முன்னெச்சரிக்கை நடவடிக்கையாக சுற்றுலா பயணிகளின் விவரம் திரட்டப்படுவதாக, அவர் மேலும் தெரிவித்தார்.

ஹட்டன் - டிக்கோயா நகரசபை சபையும் ஹட்டன் பொலிஸாரும் இணைந்து, இந்த வேலைத்திட்டத்தை முன்னெடுத்துவருவதாக அவர் தெரிவித்தார்.

சுற்றுலா பயணிகளின் தகவல்களைத் திரட்டுவதற்காக நகரசபையால் தயாரிக்கப்பட்ட விண்ணப்பப்படிவங்களை சுற்றுலா விடுதிகளுக்கு வழங்கும் வேலைத்திட்டம் ஆரம்பிக்கப்பட்டுள்ளதாகவும் அவர் தெரிவித்தார்.