பலசரக்குக் கடை உடைத்து திருட்டு

-செல்வநாயகம் கபிலன்

துன்னாலை தெற்குப் பகுதியில் அமைந்துள்ள பலசரக்குக் கடையொன்று, செவ்வாய்க்கிழமை (08) அதிகாலை உடைக்கப்பட்டு, அங்கிருந்த பொருட்கள் மற்றும் பணம் என்பன திருடப்பட்டுள்ளதாக நெல்லியடிப் பொலிஸார் தெரிவித்தனர்.

கடையின் முன்பக்க கதவை உடைத்து உள்நுழைந்த திருடர்கள், காசுப் பெட்டியில் வைக்கப்பட்டிருந்த 5 ஆயிரம் ரூபாய் பணம் மற்றும் 1 இலட்சத்து 43 ஆயிரத்து 650 ரூபாய் பெறுமதியான பொருட்கள் என்பவற்றை கொள்ளையடித்துச் சென்றுள்ளனர்.

இது தொடர்பில் கடை உரிமையாளர் செய்த முறைப்பாட்டின் பிரகாரம் விசாரணைகளை மேற்கொண்டு வருவதாக பொலிஸார் மேலும் கூறினர்.