19 வயது இளைஞரை காணவில்லையென முறைப்பாடு

19 வயது இளைஞரை காணவில்லை என வியாழக்கிழமை (01) முறைப்பாடு பதிவு செய்யப்பட்டுள்ளதாக யாழ்ப்பாணம் பொலிஸார் தெரிவித்தனர்.

யாழ். புங்கன்குளம் பகுதியைச் சேர்ந்த நாகேந்திரன் தனஞ்சயன் என்ற இளைஞரே காணாமல் போயுள்ளதாக முறைப்பாடு பதிவு செய்யப்பட்டுள்ளது.

கடந்த 28ஆம் திகதி இரவு 8 மணியளவில் யாழ். நகரப்பகுதிக்கு சென்று வருவதாக தாயாரிடம் கூறிவிட்டு சென்றுள்ளார். எனினும், இதுவரை வீட்டிற்கு வரவில்லை என தாயார் முறைப்பாடு பதிவு செய்துள்ளார்.