ஊர்காவற்றுறையில் சடலம் மீட்பு

(கவிசுகி)
யாழ். ஊர்காவற்துறை தம்பாட்டிப் பகுதியில் உடற்பாகங்கள் சிதைவுற்ற நிலையில் சடலம் ஒன்று இன்று செவ்வாய்க்கிழமை காலை மீட்கப்பட்டுள்ளதாக ஊர்காவற்துறைப் பொலிஸார் தெரிவித்துள்ளனர்.

இவ்வாறு மீட்கப்பட்ட சடலம் சுமார் 45 வயது மதிக்கத்தக்க ஆண் ஒருவரின் சடலம் எனவும் இனம் காணமுடியாதவாறு சடலம் சிதைவடைந்து காணப்படுவதாகவும் ஊர்காவற்துறைப் பொலிஸார் குறிப்பிட்டுள்ளனர்.

தற்போது சடலம் ஊர்காவற்துறை வைத்தியசாலையில் பிரேத பரிசோதனைக்காக ஒப்படைக்கப்பட்டுள்ளதாகவும் இச்சம்பவம் தொடர்பில் விசாரணைகளை மேற்கொண்டு வருவதாகவும் ஊர்காவற்துறைப் பொலிஸார் தெரிவித்துள்ளனர்.