வீதி விபத்தில் குடும்பஸ்தர் பலி

(ஆகில் அஹமட்)

அநுராதபுரம், ராஜாங்கனய பகுதியில் இன்று ஞாயிற்றுக்கிழமை இடம்பெற்ற வீதி விபத்தில் குடும்பஸ்தர் ஒருவர் உயிரிழந்துள்ளதாக ராஜாங்கனய பொலிஸார் தெரிவித்தனர்.

முடி வெட்டுவதற்காக சைக்கிளில் சென்று கொண்டிருந்த குறித்த நபர் எதிரே வந்த மோட்டார் சைக்கிள் மோதியதாலேயே உயிரிழந்துள்ளார்.

இந்த விபத்தில் படுகாயமடைந்த நிலையில்  அநுராதபுரம் போதனா வைத்தியசாலையில் அனுமதிக்கப்பட்ட நிலையிலேயே குறித்த நபர் உயிரிழந்துள்ளார்.

இந்த விபத்து தொடர்பான மேலதிக விசாரணைகளை ராஜாங்கன பொலிஸார் மேற்கொண்டு வருகின்றனர்.