தனக்குத் தானே அபராதம் விதித்துக் கொண்ட பொலிஸ் உத்தியோகஸ்தர்

பொலிஸ் உத்தியோகஸ்தர் ஒருவர் தனக்குத்தானே அபராதம்  விதித்துக்கொண்ட் சம்பவமொன்று போலந்து நாட்டில் இடம்பெற்றுள்ளது.

பயொலொகர்ட் நகரில் சேர்ந்த சார்ஜன்ட் அன்ட்ரிசிஜ்  டைமென்ஸ்கி எனும் குறித்த பொலிஸ் உத்தியோகஸ்தர் தனது மேலதிகாரி விதித்த இலக்கை பூர்த்தி செய்வதற்காக தனக்குத் தானே அபராதம் விதித்துக்கொண்டாராம்.

குறித்த தினத்தன்று மாலையில் மேலதிகாரி விதித்த இலக்கை பூர்த்தி செய்வதற்கு இன்னும் ஒருவர் மாத்திரம் சார்ஜன்ட் டைமன்ஸ்கிக்கு தேவைப்பட்டுள்ளார். அதனால் அவர் ரயில் தண்டவாளத்தில் நடந்து அதற்காக தனக்குத் தானே 5 யூரோ அபராதம் விதித்துக்கொண்டாராம்.

'எனக்கு மேலும் ஒருவர் மாத்திரம் அபராதம் விதிப்பதற்கு தேவைப்பட்டார். என்னால் பொலிஸ் மேலதிகாரியின் சொல்லை மீறமுடியவில்லை. அதேவேளை விதிகளை மீறாத எவருக்கும் நான் வீணாக அபராதம் விதிக்க விரும்பவில்லை. அதனால் நான் ரயில் தண்டவாளத்தில் நடந்தேன். அக்குற்றத்திற்காக எனக்கு நானே அபராதம் விதித்துக்கொண்டேன்' என்று அவர் தெரிவித்துள்ளார்.