புதையல் தோண்டிய அறுவர் கைது

ஏ.எச்.ஏ. ஹுஸைன் 

அம்பாறை – உஹனை பகுதியில் புதையல் தோண்டினார்கள் என்ற குற்றச்சாட்டின் அடிப்படையில் 6 சந்தேக நபர்கள் கைது செய்யப்பட்டிருப்பதாக உஹனை பொலிஸார் தெரிவித்தனர்.

புதையல் தோண்டுவதாக தமக்குக் கிடைத்த இரகசியத் தகவலின் அடிப்படையில் சுற்றி வளைப்பை மேற்கொண்டு இவர்களைக் கைது செய்துள்ளதாக பொலிஸார் தெரிவித்தனர்.

நேற்று (03) கைது செய்யப்பட்ட இந்தச் சந்தேக நபர்கள், அம்பாறை – உஹனை பகுதியைச் சேர்ந்தவர்கள் என்றும் இவர்கள் தனியார் நிறுவனமொன்றுக்காக புதையல் தோண்டும் நடவடிக்கையில் ஈடுபட்டிருந்தபோது கைது செய்யப்பட்டிருப்பதாகவும் பொலிஸார் தெரிவித்தனர்.

 புதையல் தோண்டுவதற்குப் பயன்படுத்திய உபகரணங்களும் பொலிஸாரால் கைப்பற்றப்பட்டுள்ளன.