வெளிநாடுகளிலுள்ள இலங்கையர்களுக்கு வாக்களிக்கும் வசதி கோரி பிரேரணை

-அஸ்லம் மௌலானா

வெளிநாடுகளில் தொழில் புரியும் இலங்கையர்களுக்கு தேர்தல்களில் வாக்களிக்கும் வசதிகள் செய்து கொடுக்கப்பட வேண்டுமென்று அரசாங்கத்தைக் கோரும் பிரேரணை சமர்ப்பிக்கப்படவுள்ளது.

கல்முனை மாநகரசபையின் மாதாந்த அமர்வு,  மாநகர சபா மண்டபத்தில் நாளை மறுதினம் வியாழக்கிழமை (26) பிற்பகல் 2.30 மணிக்கு முதல்வர் எம்.நிஸாம் காரியப்பர் தலைமையில் நடைபெறவுள்ளது. இதன்போதே மேற்படி பிரேரணை சமர்ப்பிக்கப்படவுள்ளதாக மாநகர ஆணையாளர் ஜே.லியாகத் அலி தெரிவித்தார்.

மேலும், புதிய மாநகரசபை உறுப்பினர் கே.ஏகாம்பரம்  அன்றையதினம் கன்னி உரை ஆற்றவுள்ளார்.