அம்பாறை மாவட்ட அடிப்படை வசதிகளுக்காக 700 மில்லியன் ரூபாய்

(க.சரவணன்)

கிழக்கு மாகாண மீள் எழுச்சித் திட்டத்தின் கீழ் அம்பாறை மாவட்ட அடிப்படை உட்கட்டமைப்பு வாழ்வாதார நடவடிக்கைகளுக்காக பொருளாதார அபிவிருத்தி அமைச்சினூடாக 700 மில்லியன் ரூபாய் ஒதுக்கீடு செய்யப்பட்டுள்ளதாக அம்பாறை அரச அதிபர் சுனில் கனனங்கரா தெரிவித்தார்.

இத்திட்டத்தின் கீழ் கிராமிய அபிவிருத்திப் பணிகளுக்கு 47 மில்லியன் ரூபாவும் வாழ்வாதார அபிவிருத்திக்கு 23 மில்லியன் ரூபாவும் செலவிடப்பட்டு வருகிறது.

இம்மாவட்டத்திலுள்ள 18 பிரதேச செயலகப் பிரிவுகளிலிருந்து தெரிவு செய்யப்பட்ட 25 கிராமசேவை அதிகாரிகள் பிரிவினைச் சேர்ந்த 8,632 குடும்பங்கள் இத்திட்டத்தினால் பயனடைந்து வருவதாகவும் அவர் தெரிவித்தார்.