சுகாதார அமைச்சர் அம்பாறை மாவட்டத்தின் பல வைத்தியசாலைகளுக்கு விஜயம்

(அப்துல் அஸீஸ்)

அம்பாறை மாவட்டத்தின் மகாஓயா, பதியத்தலாவை மற்றும் தெய்யத்தகண்டிய ஆகிய பிரதேச வைத்தியசாலைகளுக்கு சுகாதார அமைச்சர் மைத்திரிபால சிறிசேன இன்று திங்கட்கிழமை விஜயம் செய்தார்.

கிழக்கு மாகாண அமைச்சர் எம்.எஸ்.சுபைர் விடுத்த அழைப்பை ஏற்று சுகாதார அமைச்சர் இந்த வைத்தியசாலைகளுக்கு விஜயம் செய்து அங்குள்ள குறைபாடுகளை கண்டறிந்தார்.

அத்துடன் மத்திய, மாகாண அரச நிதிகளின் மூலம் மூன்று வைத்தியசாலைகளிலும் அமைக்கப்பட்ட மூன்று விடுதி கட்டிடங்களையும் திறந்து வைத்ததுடன் இந்த வைத்தியசாலைகளுக்கான வைத்திய உபகரணங்களும் அமைச்சரினால் கையளிக்கப்பட்டது.