மதில் இடிந்து விழுந்ததால் சிறுவன் பலி: பலர் காயம்

(எம்.சி.அன்சார், எஸ்.எம்.எம்.ரம்ஸான்)

சம்மாந்துறையில் மதில் சுவர் விழுந்ததினால் சிறுவனொருவன் உயிரிழந்துள்ளான்.

குறித்த சிறுனின் தாய் மதில் சுவர் விழுந்ததினால் படுகாயமடைந்த நிலையில் அம்பாறை பொது வைத்தியசாலையில் அனுமதிக்கப்பட்டள்ளார்.

இதேவேளை சிசுவொன்றும் தந்தை மற்றும் இரண்டு குழந்தைகளும் காயமடைந்துள்ளனர்.

இன்று செவ்வாய்க்கிழமை அதிகாலை சம்மாந்துறை, விளினையடி பிரதேசத்திலேயே இச்சம்பவம் இடம்பெற்றுள்ளது.

மன்சூர் றிஸ்கான் எனும் 12 வயது சிறுவனே சம்பத்தில் உயிரிழந்தவராவர்.

தற்போது பெய்துவரும் அடை மழை காரணமாக வீட்டில் உறங்கிக் கொண்டிருந்தவர்கள் மீது மதில் விழுந்துள்ளமை குறிப்பிடத்தக்கது.

சம்பவம் தொடர்பாக சம்மாந்துறை பொலிஸார் விசாரணைகளை மேற்கொண்டு வருகின்றனர்.