அம்பாறையில் ஒரு லட்சம் பேர் பாதிப்பு

(எஸ்.மாறன்)

தொடர்ந்து பெய்து வரும் அடைமழை காரணமாக அம்பாறை மாவட்டத்தில் ஒரு இலட்சத்துக்கும் மேற்பட்ட மக்கள் பாதிக்கப்பட்டுள்ளதாக அதிகாரிகள் தெரிவித்துள்ளனர்.

இம் மழையினால் அம்பாறை மாவட்டத்தின் கல்முனை, ஆலையடிவேம்பு, சம்மாந்துறை, சாய்ந்தமருது ,நிந்தவூர், காரைதீவு, அட்டாளைச்சேனை, அக்கரைப்பற்று, நாவிதன்வெளி, திருக்கோவில் போன்ற பிரதேசங்களை சேர்ந்த மக்கள் பெரிதும்  பாதிக்கப்பட்டுள்ளனர்.

இவர்கள் இடம்பெயர்ந்து நண்பர்கள், உறவினர்களின் வீடுகளில் தங்க வைக்கப்பட்டுள்ளனர்.

கல்முனையில் சில வீதிகளில் வெள்ளநீர் புகுந்துள்ளதால் படகுசேவையினூடாகவே மக்கள் பயணம் செய்கின்றனர்.