கல்முனை மாநகரசபையின் நிதிப்பிரிவை மேம்படுத்துவதற்கான கலந்துரையாடல்

(அப்துல் அஸீஸ்)

உள்ளூராட்சி மாகாணசபையின் அனுசரணையுடன் ஆசியமன்றம் நடைமுறைப்படுத்தி வரும் உள்ளூர் பொருளாதார ஆட்சி செயற்றிட்டத்தின் கீழ் கல்முனை மாநகரசபையின் நிதிப்பிரிவை மேம்படுத்துவதற்கான வேலைத்திட்டங்கள் நடைபெற்று வருகின்றன.

இதனடிப்படையில் மாநகரசபை அதிகாரிகளுக்கும் ஆசியமன்ற அதிகாரிகளுக்குமிடையிலான கலந்துரையாடலொன்று கல்முனை மாநகரசபையில் இன்று வியாழக்கிழமை நடைபெற்றது.

மாநகர முதல்வர் மசூர் மௌலான தலைமையில் நடைபெற்ற இந்த நிகழ்வில் ஆசியமன்றத்தின் ஆலோசகர் தமரா பெய்லர், ஆசியமன்றத்தின் நிகழ்ச்சித்திட்ட உத்தியோகத்தர்களான றிஷாட் ஷரீப், எம்.ஐ.எம்.வலீத், மாநகரசபை கணக்காளர் எல்.டீ.சாலிதீன் உட்பட மாநகரசபை உறுப்பினர்களும் உத்தியோகத்தர்களும் கலந்துகொண்டனர்.