கல்முனையில் தேசிய போசாக்கு வார நிகழ்வு

(அப்துல் அஸீஸ்)

தேசிய போசாக்கு வாரத்தினை முன்னிட்டு கல்முனை தெற்கு சுகாதார வைத்திய அதிகாரி அலுவலகம் ஏற்பாடு செய்த போசாக்கு வார நிகழ்வுகள் இன்று மருதமுனை ஸம்ஸ் மத்திய கல்லூரியில் இடம்பெற்றது.

கல்முனை தெற்கு சுகாதார வைத்திய அதிகாரி எம்.ஏ.சீ.எம்.பசால் தலைமையில் இடம்பெற்ற இந்நிகழ்வில் சுகாதார கண்காட்சி, போசாக்கு விழிப்பூட்டல் நிகழ்வுகள், சுகாதார ஆலோசனை வழங்கல் சேவைகள் என்பன இடம்பெற்றன.

இவ்வைபவத்தில் இப்பாடசாலையின் அதிபர் ரீ.எல்.எம்.அமினுத்தீன் உட்பட பொதுச்சுகாதார பரிசோதகர்கள், ஆசிரியர்கள், மாணவர்கள் என பலரும் கலந்துகொண்டனர்.