காருக்குள் விளையாடிய சிறுவர்கள் பலி

குஜராத் மாநிலம் - அம்ரேலி மாவட்டம், ரந்தியா கிராமத்தில், சனிக்கிழமை (2), கார் ஒன்றுக்குள் விளையாடிகொண்டிருந்த ஒரே குடும்பத்தைச் சேர்ந்த 4 சிறுவர்கள் உயிரிழந்துள்ளனர்.

வீட்டுக்கு அருகே குறித்த 4 சிறுவர்கள் உட்பட 7 சிறுவர்கள் அங்கு விளையாடிக்கொண்டு இருந்தனர். அப்போது அங்கு நின்ற காருக்குள்,  4 குறித்த சிறுவர்களும் ஏறி விளையாடினர். கார் கதவுகள் தானாகவே பூட்டிக்கொண்டதால், சிறுவர்களால் கதவை மீண்டும் திறக்கமுடியவில்லை.

இதனால் சிறுவர்களுக்கு  மூச்சுத்திணறல் ஏற்பட்டு, சம்பவ இடத்திலேயே உயிரிழந்தனர்.

உயிரிழந்த 4 சிறுவர்களும் 2 முதல் 7 வயதுக்கு உட்பட்டவர்கள் ஆவர்.