திருமண நிகழ்வில் குண்டுவெடிப்பு; ஒருவர் மரணம்

கேரளாவில் திருமண ஊர்வலமொன்றில் நிகழ்த்தப்பட்ட வெடிகுண்டு தாக்குதலில் ஒருவர் உயிரிழந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

கேரளாவில் கண்ணூர் என்ற இடத்தில் கடந்த 11 ஆம் திகதி இடம்பெற்ற திருமண இசை நிகழ்ச்சியொன்றில் இரு  பிரிவினரிடையே வாக்குவாதம் ஏற்பட்டதாகவும், இவ்வாக்குவாதம் மோதலில் முடிந்துள்ளதாகவும் தெரிவிக்கப்பட்டுள்ளது.

இந் நிலையில், குறித்த திருமணசடங்கு முடிந்து நேற்று புதுமணத் தம்பதிகளின் வீட்டிற்குத் திரும்பிக் கொண்டிருந்தபோது ஜிஷ்ணு என்பவரின் கும்பல் ஊர்வலத்தில் வெடிகுண்டு வீசியதாகவும் இதில் ஒருவர் உயிரிழந்துள்ளதாகவும் தெரிவிக்கப்பட்டுள்ளது.  

இந்நிலையில் இது தொடர்பில்   4 பேரைப்  பொலிஸார் கைது செய்துள்ளமை குறிப்பிடத்தக்கது.