பட்டாசு ஆலையில் வெடிவிபத்து;ஒருவர் பலி

 சிவகாசி

 விருதுநகர் மாவட்டம் சிவகாசி அருகே பட்டாசு ஆலையில்  காலையில் ஏற்பட்ட திடீர் வெடி விபத்தில் தொழிலாளி ஒருவர் உயிரிழந்தார்.

சிவகாசி - ஆலங்குளம் சாலையில் காக்கிவாடன்பட்டி அருகே தனியாருக்குச் சொந்தமான பட்டாசு ஆலை ஒன்று இயங்கி வருகிறது. இந்நிலையில், இன்று காலை வழக்கம்போல் தொழிலாளர்கள் வேலைக்குச் சென்றனர்.

அப்போது மருந்துக் கலவை அறையை திறந்தபோது உராய்வு ஏற்பட்டு மருந்துகள் வெடித்துச் சிதறின.  இதில் அந்த அறை முழுவதும் இடிந்து தரைமட்ட மானது.இந்த விபத்தில் அதே பகுதியைச் சேர்ந்த ஒருவர் சம்பவ இடத்திலேயே உடல் சிதறி உயிரிழந்தார்.

தகவலறிந்த தீயணைப்பு வீரர்கள் மற்றும் மாரனேரி பொலிஸார் சம்பவ இடத்துக்குச் சென்று மீட்பு பணிகளில் ஈடுபட்டனர்.