மேற்குவங்கத்தில் அமித் ஷா இன்று சூறாவளிப் பிரசாரம்

மேற்குவங்கம்

மேற்குவங்கத்தில் மத்திய உள்துறை அமைச்சர் அமித் ஷா இன்று 6 இடங்களில் பிரசாரம் செய்கிறார். மாநிலத்தில் நேற்று கலவரம் ஏற்பட்டு துப்பாக்கிச் சூடு நடந்த நிலையில், இன்று அவர் அடுத்தக்கட்டத் தேர்தலுக்கான பிரசாரத்தை முன்னெடுக்கிறார்.

மேற்கு வங்க சட்டப்பேரவை தேர்தல் கடந்த மார்ச் 27ஆம் திகதி ஆரம்பமாகி  ஏப்ரல் 29ஆம் திகதி  வரை 8 கட்டங்களாக நடந்து வருகிறது. இதில் 4ஆம் கட்ட தேர்தல் நேற்று நடைபெற்றது. இதில், 76.14 சதவீத வாக்குகள் பதிவாகின.

இந்நிலையில், வரும் ஏப்ரல் 17 ஆம் திகதி, 45 சட்டப்பேரவைத் தொகுதிகளுக்கு 5ம் கட்ட தேர்தல் நடைபெறுகிறது. ஏப்ரல் 22 ஆம் திகதி 6ம் கட்ட வாக்குப்பதிவு, ஏப்ரல் 26ல் 7 மற்றும் ஏப்ரல் 29ல் 8ம் கட்ட தேர்தல் நடைபெறுகிறது. இந்நிலையில், அமித் ஷா இன்று மாநிலம் முழுவதும் 6 இடங்களில் பிரசாரம் மேற்கொள்கிறார்.