மீண்டும் துப்பாக்கிச் சூடு - 9 பேர் உயிரிழப்பு

அமெரிக்காவின் ஓஹியோ மாகாணத்தில் உள்ள இரவு விடுதியில் நடைபெற்ற துப்பாக்கிச் சூட்டில் 9 பேர் உயிரிழந்துள்ளனர்.

குறித்த இரவு விடுதியில் மர்ம நபர் ஒருவர் திடீரென நுழைந்து அங்கிருந்தவர்களை நோக்கி சரமாரியாக துப்பாக்கிப்பிரயோகம் மேற்கொண்டுள்ளார்.

இந்த தாக்குதலில் 9 பேர் பரிதாபமாக பலியானதுடன், மேலும் 13 பேர் படுகாயம் அடைந்துள்ளனர்.

கடந்த 24 மணி நேரத்தில் அமெரிக்காவில் நடைபெற்ற இரண்டாவது துப்பாக்கிச்சூடு இதுவாகும்.

முன்னதாக, டெக்சாஸ் மாகாணத்தில் வால்மார்ட் வணிக வளாகத்தில் நடைபெற்ற துப்பாக்கிச்சூட்டில் 20 பேர் பலியானது குறிப்பிடத்தக்கது.