ரஷ்யாவில் விமான விபத்து; 44 பேர் பலி

ரஷ்யாவில் ஏற்பட்ட விமான விபத்தொன்றினால் 44 பேர் பலியானதுடன் 8 பேர் காயமடைந்துள்ளதாக அதிகாரிகள் தெரிவித்துள்ளனர்.

'ரஷ்எயார்' எயார்லைன்ஸுக்குசொந்தமான இவ்விமானம் வடமேற்கு ரஷ்யாவில் மின்சார கம்பியொன்றில் மோதி விபத்துக்குள்ளாகியதாக தெரிவிக்கப்படுகிறது.

இலங்கை நேரப்படி இன்று செவ்வாய் அதிகாலை இவ்விபத்து இடம்பெற்றுள்ளது. அவ்விமானத்தில் 9 விமான ஊழியர்கள் உட்பட 52 பேர் இருந்தனர்.

இவ்விபத்தில் 44 பலியானதாகவும் 8 பேர் காயங்களுடன் காப்பாற்றப்பட்டதாகவும் ரஷய் அவசரகால அமைச்சு தெரிவித்துள்ளது.

மோசமான காலநிலை, விமானியின் தவறு அல்லது தொழில்நுட்பக் கோளாறு இவ்விமான விபத்துக்கு காரணமாக இருக்கலாம் என ரஷ்ய விசாரணை அதிகாரியொருவர் கூறியுள்ளார்.