சம்பியனானது சம்மாந்துறை விளையாட்டு கழகம்

அஸ்ஹர் இப்றாஹிம்

சாய்ந்தமருது ஹொலி ஹீரோஸ் விளையாட்டுக் கழகம் சாய்ந்தமருது பொலிவேரியன் விளையாட்டு மைதானத்தில் கிழக்கு மாகாணத்தில் 24 அணிகளை கொண்டு நடத்திய சுற்றுப்போட்டியின் இறுதிப்போட்டியில் சம்மாந்துறை விளையாட்டு கழகம் சம்பியன்களாக  தெரிவு செய்யப்பட்டது. 

நிந்தவூர் இம்ரான் விளையாட்டுக் கழகத்திற்கும், சம்மாந்துறை விளையாட்டுக் கழகத்திற்குமிடையில் இடம்பெற்ற இறுதிப் போட்டியில் முதலில் துடுப்படுத்தாடிய சம்மாந்துறை விளையாட்டுக்கழகம் 5 ஓவர்களில் 3 விக்கட்டுக்களை இழந்து 53 ஓட்டங்களைப் பெற்றது. 

பதிலுக்கு துடுப்படுத்தாடிய நிந்தவூர் இம்ரான் விளையாட்டுக்கழகம் 5  ஓவர்களில் 6 விக்கட்டுக்களை இழந்து 28 ஓட்டங்களை மாத்திரமே பெற்று தோல்வியை தழுவியது.