புத்தளத்தில் உடற்கல்வி போதனாசிரியர் சகோதரர் சாதனை

எம்.யூ.எம். சனூன்

அநுராதபுரம் பொது விளையாட்டு மைதானத்தில் நடைபெற்ற அரச மட்டத்திலான விளையாட்டுப் போட்டித் தொடரில், (Masters Athletic Sri Lanka Champion Meet) 100 மீற்றர் ஓட்டப் போட்டியில் புத்தளம் நகரை சேர்ந்த விளையாட்டு துறை பொறுப்பாசிரியர் எம்.எப்.எம். துபைல் இரண்டாமிடத்தைப் பிடித்தார்.

இதே தொடரின் ஓட்டப்போட்டியில் ஆரம்பத்திலிருந்தே முன்னிலையில் வந்த, புத்தளம் நகரின் மற்றுமொரு விளையாட்டு துறை பொறுப்பாசிரியரும், துபைல் ஆசிரியரின் சகோதரருமான எம்.எப்.எம். ஹுமாயூன் போட்டி முடிவடைவதற்கு மூன்று மீற்றர் தூரம் இருக்கையில் கால் தடுக்கி வீழ்ந்ததில் அவருக்கான சந்தர்ப்பம் கைநழுவி போனது. 

ஹுமாயூன் ஆசிரியருக்கான முதல் சந்தர்ப்பம் அற்று போனதால் அவரை பின் தொடர்ந்து வந்த இராணுவக் கமாண்டர் ஒருவர் முதலாமிடத்தைப் பெற்றுக் கொண்டார்.

எனினும் உயரம் பாய்தல் போட்டியில் ஆசிரியர் ஹுமாயூன் முதலாமிடம் பெற்று புத்தளம் நகருக்கு பெருமை சேர்க்கும் வகையில் தங்க பதக்கத்தை பெற்றுக்கொண்டார்.

கடந்த 2017ஆம் ஆண்டு உயரம் பாய்தலில் சாதனையாக இருந்த 1.57  மீற்றர் உயரம் சாதனையை முறியடித்து 2023ஆம் ஆண்டின் போட்டித் தொடரில் 1.60 மீற்றர்  உயரம் என்ற புதிய (New Meet Record Sri Lanka) சாதனையை ஹுமாயூன் நிலை நாட்டியுள்ளார்.