தடைகளைத் தாண்டி வெளியானது புலி

பெரும் எதிர்பார்ப்பை ஏற்படுத்திய புலி திரைப்படம்; பல்வேறு தடைகளைக் கடந்து இன்று வெளியானது.

உலகமெங்கும் உள்ள திரையரங்குகளில் காலை 5 மணி முதலே சிறப்பு காட்சிகளுக்கு ஏற்பாடு செய்யப்பட்டிருந்தது.

ஆனால், ஒரு சில காரணங்களால் 'புலி' திரைப்படத்தின் சிறப்பு காட்சிகள் ரத்து செய்யப்பட்டது. இன்று இத்திரைப்படம் வெளியாகுமா? என்ற கேள்வியும் எழுந்தது.

இந்நிலையில், 'புலி' திரைப்படம் தமிழகம் உள்பட அனைத்து மாநிலங்களிலும் சரியாக 10 மணிக்கு வெளியிடப்பட்டது. 'புலி' திரைப்படம் வெளியாவதற்கு ஏற்பட்ட பிரச்சினை நீங்கியது விஜய் ரசிகர்களுக்கு மிகப்பெரிய மகிழ்ச்சியை கொடுத்துள்ளது. திரையரங்குகளில் ஆரவாரத்துடன் 'புலி' திரைப்படத்தை கண்டுகளித்து வருகின்றனர்.