அதிர்ஷ்ட முகவர்கள் இன்று வேலைநிறுத்தம்

அதிர்ஷ்ட இலாபச் சீட்டுகளை கொள்வனது செய்யும் முகவர்கள், நாடளாவிய ரீதியில் வேலைநிறுத்தப் போராட்டத்தில் இன்று குதிக்கவுள்ளதாக அரசாங்கத்தை எச்சரித்துள்ளனர்.

30 ரூபாயாக அதிகரிக்கப்பட்டுள்ள அதிர்ஷ்ட இலாபச்சீட்டின் விலையை 20 ரூபாயாகக் குறைக்குமாறு வலியுறுத்தியே, இந்த வேலைநிறுத்தப் போராட்டத்தில் குதிக்கவுள்ளதாக அதிர்ஷ்ட இலாபச்சீட்டு முகவர் சங்கம் அறிவித்துள்ளது.   

அதிர்ஷ்ட இலாபச்சீட்டின் விலை, 20 ரூபாயிலிருந்து 30 ரூபாயாக, 10 ரூபாயினால் அதிகரிக்கப்பட்டமையால், அதிர்ஷ்ட இலாபச்சீட்டின் விற்பனை, 40 சதவீதத்தினால் குறைந்துள்ளது என்று, அகில இலங்கை அதிர்ஷ்ட இலாபச்சீட்டு விற்பனைப் பிரதிநிதிகளின் சங்கம் தெரிவித்திருந்தது.   

இதனால், அதிர்ஷ்ட இலாபச்சீட்டு விற்பனையில் வாழ்க்கை நடத்திய விற்பனை பிரதிநிதிகள் மற்றும் விற்பனை உதவியாளர்கள் என, 40 ஆயிரத்துக்கும் அண்மித்தோர், பாரிய சிக்கல்களுக்கு முகங்கொடுத்துள்ளதாகவும் அந்தச் சங்கத்தின் தலைவர் கிரிஷாந்த மாரபே தெரிவித்தார்.   

இவ்வாறான நிலைமை தொடருமாயின், தங்களுடைய சங்கத்தைச் சேர்ந்தவர்கள் அனைவரும், அதிர்ஷ்ட இலாபச்சீட்டுகளை விற்பனை செய்வதிலிருந்து விலகி நிற்கபோவதாகவும் அவர் தெரிவித்திருந்தமை குறிப்பிடத்தக்கது.