உயர்நீதிமன்ற மார்ஷலிடம் வாசுதேவ முறையிட்டார்

உயர்நீதிமன்ற வளாகத்தில் நேற்​று  (12) இடம்பெற்ற சம்பவம் தொடர்பில், அமைச்சர் வாசுதேவ நாணயக்கார உயர்நீதிமன்றத்தின் மார்ஷலிடம் முறைபாடு செய்துள்ளார்.

ஜனாதிபதியால் நாடாளுமன்றம் கலைக்கப்பட்டமைக்கு எதிராக நேற்றைய தினம் பல்வேறு கட்சிகள், சிவில் பிரதிநிதிகள் என பலரால் தாக்கல் செய்யப்பட்ட 13 மனுக்கள் தொடர்பான பரிசீலனை உயர்நீதிமன்றத்தில் இடம்பெற்ற வேளை, உயர்நீதிமன்றத்துக்கு அமைச்சர் வாசுதேவ நாணயக்கார வருகைத் தந்து வெளியேறும் போது, அங்கு கூடியிருந்த  சிலர் அமைச்சரைப் பார்த்து “ ஊ” சத்தமிட்டுள்ளனர்.

இதனையடுத்து, அமைச்சர் வாசுதேவ நாணயக்கார, உயர்நீதிமன்ற மார்ஷலிடம் இது தொடர்பில் முறைபாடு செய்ததையடுத்து, உயர்நீதிமன்றத்தின் கண்ணியத்தைப் பாதுகாக்க தான் நடவடிக்கை எடுப்பதாக, அமைச்சரிடம் மார்ஷல் உறுதியளித்துள்ளார்.