ஒழுக்காற்று விசாரணைக்காக சு.க வில் ஐவருக்கு அழைப்பு

ஸ்ரீ லங்கா சுதந்திரக் கட்சியின் விதிமுறைகளை மீறி செயற்பட்ட தேசியப் பட்டியல்  நாடாளுமன்ற உறுப்பினர்கள் ஐவருக்கு எதிராக, ஒழுக்காற்று விசாரணை முன்னெடுக்க, எதிர்வரும் 10 ஆம் திகதி வரை சுதந்திரக் கட்சி காலக்கெடு விதித்துள்ளது.

எம்.பிக்கள் ஐவரும் சு.கவின் ஒழுக்காற்று விசாரணைக் குழு முன்னிலையில் பிரசன்னமாகி, தன்னிலை விளக்கமளிக்க வேண்டுமென, அக்கட்சி அறிவித்துள்ளது.

நாடாளுமன்ற உறுப்பினர்களான டிலான் பெரேரா, எஸ்.பீ. திஸாநாயக்க, லக்ஷமன் யாப்பா, விஜித் விஜேமுனி சொய்சா, ஏ.எச்.எம்.பௌசி ஆகியோருக்கே, ஒழுக்காற்று குழுவில் முன்னிலையாகுமாறு, அழைப்புக் கடிதங்கள் அனுப்பிவைக்கப்பட்டுள்ளன.