‘குழப்ப நிலைக்கு சபாநாயகரே காரணம்’

நாடாளுமன்றத்துக்குள் இடம்பெற்ற அமைதியின்மைக்கு சபாநாயகர் கரு ஜயசூரியவே பொறுப்புக் கூறவேண்டுமென, அமைச்சர் தயாசிறி ஜயசேகர தெரிவித்துள்ளார்.

இன்று நாடாளுமன்ற வளாகத்தில் ஊடகவியலாளர்களுக்கு கருத்துத் தெரிவித்தப் போதே மேற்கண்டவாறு தெரிவித்தார்.

சபாநாயகர் அவரது அக்கிராசனத்தில் இருந்தமையாலேயே அங்கு குழப்ப நிலை ஏற்பட்டதாகவும் சபாநாயகர் நாடாளுமன்றத்தை ஒத்திவைத்து, அவரது அக்கிராசனத்திலிருந்து எழுந்து சென்றிருந்தால், இவ்வாறான குழப்ப நிலையொன்று ஏற்பட்டிருக்காது என்றும் அமைச்சர் தயாசிறி குறிப்பிட்டுள்ளார்.