கெஹல்பத்தர பத்மேவுடனான தொடர்பு குறித்து உண்மையை வெளியிட்ட பியூமி

பாதாள உலகக் குழுக்களின் தலைவராக கருதப்படும் கெஹல்பத்தர பத்மேவுடன் தொடர்பு இருப்பதாகக் கூறப்படும் குற்றச்சாட்டு தொடர்பாக நேற்று (21) சிஐடியால் விசாரிக்கப்பட்ட பிரபல மாடலும், நடிகையுமான பியூமி ஹன்சமாலி இது குறித்து விளக்கமளித்துள்ளார்.

பியூமி தனது அழகு சாதனப் பொருட்களைப் பயன்படுத்த அவருக்கு கூறுவதற்கு மட்டுமே தொடர்பில் இருந்ததாக கூறினார்.

நான்கு ஆண்டுகளுக்கு முன்பு டுபாயில் பல நடிகர்கள் மற்றும் நடிகைகள் கலந்து கொண்ட புத்தாண்டு கொண்டாட்டத்தின் போது தான் முதன்முதலில் பத்மேவை சந்தித்ததாக ஹன்சமாலி கூறினார்.

அவர் தனது மனைவி மற்றும் குழந்தைகளுடன் அங்கு இருந்தார், என்னுடன் புகைப்படங்கள் கூட எடுத்துக்கொண்டார். 

அந்த நேரத்தில், அவரும் அழகாக மாற விரும்புவதாகக் கூறினார், எனவே நான் எனது தயாரிப்புகளைப் பயன்படுத்தச் சொன்னேன். அவர் அதைச் செய்திருக்கலாம் என்று நினைக்கிறேன். அதன் பிறகு அவர் மிகவும் அழகாக இருந்தார், என்று அவர் கூறினார்.

மேலும், போதைப்பொருள், சட்டவிரோத வணிகங்கள் அல்லது மோசமான பணத்தில் ஈடுபட்ட எவரிடமிருந்தும் நான் ஒருபோதும் பணம் வாங்கியதில்லை. 

நான் என் சொந்தக் காலில் நிற்கும் ஒரு பெண். நான் என் வாழ்க்கையை நானே கட்டமைத்தேன். எனக்கு எனக்கென்று ஒரு நிறுவனம் இருக்கிறது. 

எனவே எனக்கு எந்த பாதாள உலக நபரின் பணமும் தேவையில்லை. அந்த மாதிரியான கூட்டத்தினருடன் நான் சிக்கலில் மாட்டிக்கொள்ள விரும்பவில்லை. நான் சத்தியம் செய்கிறேன்," என்று அவர் மேலும் கூறினார். R