‘பயங்கரவாதிகளுக்கு மரண தண்டனை வழங்க வேண்டும்’

பயங்கரவாத தாக்குதலுடன்  நேரடியாகத் தொடர்புடைய பயங்கரவாதிகளுக்கு மரண தண்டனையை அமுல்படுத்துவதற்கு, தான் எவ்விதத்திலும் எதிர்ப்பு தெரிவிக்கப் போவதில்லை என வெளிநாட்டலுவல்கள் இராஜாங்க அமைச்சர், வசந்த சேனாநாயக்க தெரிவித்துள்ளார்.

அரலகங்வில பிரதேசத்தில் இடம்பெற்ற நிகழ்வொன்றில் கலந்துக்​கொண்டு உரையாற்றுகையிலேயே அவர் மேற்கண்டவாறு தெரிவித்துள்ளார்.

ஒரு சில முஸ்லிம் அரசியல்வாதிகள் வாய்க்கு வந்ததையெல்லாம் பேசுவதால், அப்பாவி முஸ்லிம்  மக்களை பழிவாங்கப்படுவதாகவும், எனவே முஸ்லிம் மக்களை பலி வாங்க  ​வேண்டாம் என பொதுமக்களிடம் கேட்டுக்கொள்வதாகவும் தெரிவித்துள்ளார். செயற்பாடுகளுக்கு அமைய, பலருக்கு ஏற்படும் விரக்திகளுக்கு முஸ்லிம் மக்கள் பலியல்ல. எனவே ஒரு சில முஸ்லிம் அரசியல்வாதிகளால் தான் பிரச்சினைகள் ஏற்படுகின்றதெனவும் தெரிவித்துள்ளார்.