பராக்கிரம சமுத்திரத்தில் படகு கவிழ்ந்து தந்தையும் மகனும் பலி

பொலன்னறுவை, பராக்கிரம சமுத்திரத்தில் படகு கவிழ்ந்ததில் ஏற்பட்ட விபத்தில் தந்தையும் மகனும் உயிரிழந்துள்ளனர்.

நேற்று (11) மதியம் இந்த விபத்து இடம்பெற்றுள்ளது.

வென்னப்புவ பகுதியில் வசிக்கும் ஒரு குழு, பொலன்னறுவை பகுதியில் உள்ள ஒரு நண்பரின் வீட்டிற்குச் சென்று, அங்கு படகில் ஏறி பராக்கிரம சமுத்திரத்தில் நீராடச் சென்றுள்ளனர்.

படகு கவிழ்ந்த நேரத்தில் படகில் 9 பேர் பயணம் செய்ததாக விசாரணையில் தெரியவந்துள்ளது.

விபத்தில் வென்னப்புவ பகுதியைச் சேர்ந்த 63 வயதுடைய ஒருவரும் அவரது 38 வயது மகனும் இறந்துள்ளனர்.

இறந்தவரின் உடல்கள் பொலன்னறுவை வைத்தியசாலையில் வைக்கப்பட்டுள்ளன, இன்று (12) பிரேத பரிசோதனை நடத்தப்பட உள்ளது.