‘ பலரது பெயர்கள் முன்வைக்கப்பட்டுள்ளன’

ஐக்கிய தேசியக் கட்சியில் ஜனாதிபதி வேட்பாளர்களாக, பலரது பெயர்கள் முன்வைக்கப்பட்டுள்ளனவென, அமைச்சர் ஜோன் அமரதுங்க தெரிவித்துள்ளார்.

பிரதமர் ரணில் விக்கிரமசிங்க, சஜித் பிரேமதாஸ, சபாநாயகர் கரு ஜயசூரிய ஆகியோரின் பெயர்கள் முன்வைக்கப்பட்டுள்ளதாகவும் அவர் தெரிவித்துள்ளார்.

மேலும் அமைச்சர் நவீன் திசாநாயக்க, அனோமா கமகேயின் பெயர்களும் முன்வைக்கப்பட்டுள்ளதாக அமைச்சர் தெரிவித்துள்ளார்.

இதன்போது, உங்களது பெயர் முன்வைக்கப்படவில்லையா? என ஊடகவியலாளர் கேள்வி எழுப்பிய போது, தன்னுடைய பெயரை முன்வைக்க வேண்டிய அவசியம் இல்லை என்றும், தான் இப்​போது இருக்கும் நிலை தனக்கு போதுமென்றும் தெரிவித்துள்ளார்.