பிரதான மார்க்கத்தில் 10 ரயில்களே இயங்கும்

பிரதான ரயில் மார்க்கத்தின் மீரிகம மற்றும் விஜயராஜதஹன ரயில் நிலையங்களுக்கு இடையேயுள்ள தண்டவாளத்தில் ஏற்பட்டுள்ள சேதம் காரணமாக நாளை (15) வழமை போன்று ரயில்கள் இயங்காது எனவும் கொழும்பு கோட்டை வரை 10 ரயில்கள் மாத்திரமே இயங்கும் எனவும் ரயில்வே பொது முகாமையாளர் தம்மிக்க ஜயசுந்தர தெரிவித்துள்ளார்.

தடைப்பட்ட இடத்திலிருந்து மூன்று ரயில்களும் வெயாங்கொடையிலிருந்து மூன்று ரயில்களும், கம்பஹாவிலிருந்து ஒரு ரயிலும், ராகமயிலிருந்து இரண்டு ரயில்களும் சேவையில் ஈடுபடவுள்ளதாக அவர் தெரிவித்தார்.