‘முரண்பாடுகளைத் தோற்றுவித்து ஆட்சியை கைப்பற்ற முயற்சி'

இன மத ரீதியிலான முரண்பாடுகளைத் தோற்றுவித்து, ஆட்சி அதிகாரத்தைக் கைப்பற்ற சிலர் முயன்று வருவதாக  கல்வியமைச்சர் அகில விராஜ் காரியவசம், குற்றம் சுமத்தியுள்ளார்.

அத்துடன், பிளவுகளை ஏற்படுத்தக் கூடிய அரசியல் கலாசாரத் துறையை இல்லாமல் செய்யவேண்டுமெனவும் அவர் கூறினார்.

கண்டி- பறஹாதெனிய தேசிய பாடசாலையில் இடம்பெற்ற வைபவமொன்றில் கலந்துகொண்டு கருத்துத் தெரிவிக்கும் போதே, அவர் இவ்வாறு தெரிவித்தார்.

இதன்போது தொடர்ந்து கருத்துரைத்த அவர், மீண்டும் பிரிவினைவாத யுகத்துக்காக தயாராகின்றனர்.  இதற்கு நாம்  இடம்கொடுக்கப் போவதில்லை என்றார்.