முறைபாடுகளுக்கான காலம் இன்றுடன் நிறைவு

அரச நிறுவனங்களில் இடம்பெற்ற ஊழல், மோசடிகளை ஆராய்ந்து பார்ப்பதற்காக நியமிக்கப்பட்ட ஜனாதிபதி விசாரணை ஆணைக்குழுவிடம் முறைபாடு செய்வதற்கான காலம் இன்றுடன் நிறைவடைவதாகத் தெரிவிக்கப்பட்டுள்ளது.

இன்று மாலை 5 மணி வரை முறைபாடுகளை கையளிக்கலாம் என்றும் விசாரணை ஆணைக்குழு தெரிவித்துள்ளது.

இதுவரை ஜனாதிபதி விசாரணை ஆணைக்குழுவுக்கு 950 முறைபாடுகள் கிடைத்துள்ளதாகவும், கிடைக்கபெற்ற சில முறைபாடுகள் தொடர்பான ஆரம்பக்கட்ட விசாரணைகள் தற்போது ஆரம்பிக்கப்பட்டுள்ளதாகவும் இந்த விசாரணை ஆணைக்குழுவின் பேச்சாளர் ஒருவர் தெரிவித்துள்ளார்.