முறைபாடுகள் பெறும் நடவடிக்கை வியாழனுடன் நிறைவு

அரச நிறுவனங்களில் இடம்பெற்ற மோசடிகள், ஊழல்கள் குறித்து முறைபாடுகளைப் பெற்றுக்கொள்ளும் நடவடிக்கை வியாழக்கிழமையுடன் நிறைவு பெறுவதாக ஜனாதிபதி விசாரணை ஆணைக்குழு தெரிவித்துள்ளது.

இதுவரை 333 முறைபாடுகள் கிடைத்துள்ளதெனவும் ஆணைக்குழு தெரிவித்துள்ளது.

எனவே அரச நிறுவனங்களில் இடம்பெற்றுள்ள மோசடிகள் குறித்து ஜனாதிபதி விசாரணை ஆணைக்குழு, கொழும்பு-07 என்ற முகவரிக்கோ, 0112-665382 என்ற தொலைபேசி இலக்கத்துக்கு அழைத்தோ தமது முறைபாடுகளைத் தெரிவிக்கலாம் என்றும் ஆணைக்குழு தெரிவித்துள்ளது.