வன்புணர்வுக் குற்றச்சாட்டு; ஐ.ம.சு.மு ’தங்கமான உறுப்பினர்’ கைது

16 வயதுடைய சிறுமியொருவரை, பாலியல் வண்புணர்வுக்கு உள்ளாக்கினாரென்ற குற்றச்சாட்டில், ஐக்கிய மக்கள் சுதந்திர முன்னணியின் தென் மாகாணசபை உறுப்பினர், காலியின் தங்கமான உறுப்பினர் என்றழைக்கப்படும் கிருஷாந்த புஷ்பகுமார, இன்று (28) கைதுசெய்யப்பட்டார்.

குறிறித்த குற்றச்சாட்டுக்கு இலக்காகியுள்ள அவர், தனத சட்டத்தரணியூடாக, பொலிஸில் இன்று சரணடைந்த போதே, இவ்வாறு கைது செய்யப்பட்டுள்ளார்.

கடந்த 23ஆம் திகதியன்று, அக்மீமன - பட்டதுவ பிரதேச தேவாலயமொன்றில் (விகாரைகளில் காணப்படும் கடவுள் மண்டபம்) வைத்தே, மேற்படி சிறுமியை அவர் வன்புணர்வுக்கு உட்படுத்தினார் என்று குற்றஞ்சாட்டப்பட்டுள்ளது.

இவ்வாறு கைதுசெய்யப்பட்ட உறுப்பினரை, காலி நீதவான் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளதாக, பொலிஸார் தெரிவித்தனர்.