’வெள்ளைக்காரி’யால் இலட்சத்தை இழந்த படகோட்டி

மீன் சந்தைக்குப் புகழ்பெற்ற ஒரு நகரத்தில் (பலப்பிட்டிய), 'வெள்ளைக்காரி' ஒருவரின் அழகை ரசிக்கப் போய், பல இலட்சம் ரூபாயைத் தொலைத்த படகோட்டி ஒருவரைப் பற்றிய சுவாரஸ்யமான கதை இது.

மாது கங்கையில் உள்நாட்டு மற்றும் வெளிநாட்டுச் சுற்றுலாப் பயணிகளை மோட்டார் படகில் ஏற்றிச் செல்வதுதான் இவருடைய தொழில். நீண்ட காலமாக இந்தத் தொழிலைச் செய்து வரும் இவருக்கு, அன்றைய தினம் ஒரு வெளிநாட்டுப் பெண்கள் குழுவை அழைத்துச் செல்லும் வாய்ப்பு கிடைத்தது.

அவர்களில் ஒரு பெண், ஒரு ஜாண் அளவேயான குட்டையான உடை அணிந்திருந்தார். அந்தப் பெண்ணைப் பார்த்ததுமே நம்ம படகோட்டிக்குக் கண்கள் அலைபாயத் தொடங்கிவிட்டன. படகை ஓட்டுவதை விட, அந்தப் பெண்ணின் அழகை நோட்டமிடுவதிலேயே கண்ணும் கருத்துமாய் இருந்தார்.

அழகுப் பார்வையோடு மட்டும் நின்றாரா? இல்லை! படகின் ஓரத்தில் இருந்தபடியே, அந்தப் பெண்ணுக்குத் தெரியாமல் தனது அதிநவீன ஸ்மார்ட்போனை எடுத்து ரகசியமாக வீடியோ எடுக்கத் தொடங்கினார். ஆனால், விதி 'அலை' வடிவில் வந்தது!

திடீரென ஆற்றில் எழுந்த ஒரு பெரிய அலையினால் படகு பலமாக ஆட்டம் கண்டது. அடுத்த வினாடி, 'ஐயோ.. அம்மா..' என்று அவர் அலறுவதற்குள், கையில் இருந்த பல இலட்சம் ரூபாய் பெறுமதியான போன், மாது கங்கையின் ஆழத்தைத் தழுவி முத்தமிட்டது!

போன் விழுந்த இடத்தில் இருந்து படகு சில அடிகள் முன்னேறிச் சென்றுவிட்டதால், எதையும் செய்ய முடியாமல் படகோட்டி திகைத்துப் போனார். தனது "திருட்டுத்தனத்தால்" வந்த இந்த வினையையும், பண இழப்பையும் யாரிடமும் சொல்ல முடியாமல் தவித்த அவர், தனது நண்பரான மற்றொரு படகோட்டியிடம் மட்டும் விஷயத்தைச் சொல்லி, "யாரிடமும் சொல்லிவிடாதே" என்று கெஞ்சியுள்ளார்.

ஆனால், ஆற்றில் விழுந்த போன் வேண்டுமானால் மறைந்திருக்கலாம், இந்தச் செய்தி ஊர் முழுக்கப் பரவி இப்போது 'ஹாட் டாபிக்' ஆகிவிட்டது!