ஹர்த்தாலுக்கு மு.கா ஆதரவு

இலங்கை இராணுவத்தினரால் ஒருவர் கொல்லப்பட்டதாகக் கூறப்படும் சம்பவத்திற்கு எதிர்ப்புத் தெரிவித்து, இலங்கைத் தமிழ் அரசுக் கட்சி (ITAK) வடக்கு மற்றும் கிழக்கு மாகாணங்களில் திங்கள்கிழமை (18) ஏற்பாடு செய்திருந்த ஹர்த்தாலுக்கு ஸ்ரீலங்கா முஸ்லிம் காங்கிரஸ் (SLMC) தனது ஆதரவை அறிவித்தது.

முல்லைத்தீவில் 32 வயதான எதிர்மனசிங்கம் கபில்ராஜ் கொல்லப்பட்டதற்கு கடும் கண்டனம் தெரிவித்து, ஸ்ரீலங்கா முஸ்லிம் காங்கிரஸ் ஒரு அறிக்கையில் இந்த சம்பவத்தை கண்டித்துள்ளது. 

"பொதுமக்களைப் பாதுகாக்கும் பணியில் ஈடுபட்டுள்ள படைகளுக்குள்ளேயே சட்டம் ஒழுங்கு நெருக்கடியின் ஆழமான மற்றொரு நினைவூட்டலாக இந்த மிருகத்தனமான செயல் உள்ளது" என்று கட்சி கூறியது.

கபில்ராஜுடன் பிற நான்கு பேரும் அருகிலுள்ள இராணுவ முகாமுக்கு வரவழைக்கப்பட்டு தாக்கப்பட்டதாகக் கூறப்பட்ட இரண்டு நாட்களுக்குப் பிறகு கபில்ராஜின் உடல் ஓகஸ்ட் 9 ஆம் திகதி முத்தையான்கட்டு குளத்தில் இருந்து மீட்கப்பட்டது,.

இதுபோன்ற சம்பவங்களுக்கு ஆயுதப்படை உறுப்பினர்களை பொறுப்புக்கூற வைக்க அரசாங்கம் தவறியது பொதுமக்களின் நம்பிக்கையை சிதைத்து பொதுமக்களின் பாதுகாப்பை ஆபத்தில் ஆழ்த்தியுள்ளது என்று SLMC மேலும் குற்றம் சாட்டியது.