11 கோடி ரூபாய் பணத்துடன் விமான நிலையத்தில் ஒருவர் கைது

சட்டவிரோதமாக உள்நாட்டு மற்றும் வெளிநாட்டு நாணயங்களுடன் இலங்கையர் ஒருவர், கட்டுநாயக்க பண்டாரநாயக்க சர்வதேச விமான நிலையத்தில், இன்று கைதுசெய்யப்பட்டுள்ளார்.

விமான நிலைய சுங்க அதிகாரிகள் மேற்கொண்ட சோதனையின் போது, சந்தேகநபர் கைதுசெய்யப்பட்டுள்ளார்.

சந்தேக நபரிடம் இருந்து 1,112 இலட்சம் ரூபாய் (11.12 கோடி ரூபாய்) கைப்பற்றப்பட்டுள்ளதுடன் அவர், இந்தப் பணத்துடன் டுபாய் நோக்கி பயணிக்க முயன்ற நிலையிலேயே கைதுசெய்யப்பட்டுள்ளார்.

இந்த சம்பவம் தொடர்பான மேலதிக விசாரணைகளை சுங்க திணைக்கள அதிகாரிகள் முன்னெடுத்துள்ளனர்.