‘வற்’ திருத்தச் சட்டமூலத்துக்கு எதிராக உயர்நீதிமன்றில் மனுத் தாக்கல்

பெறுமதி சேர் வரி (வற்) திருத்தச் சட்டமூலத்துக்கு எதிராக, உயர்நீதிமன்றத்தில், நேற்றுப் புதன்கிழமை மனுவொன்று தாக்கல் செய்யப்பட்டது. மேற்படி வரி திருத்தச் சட்டமூலத்தின் 4, 13, 17 மற்றும் 18ஆவது உறுப்புரைகள்,

அரசியலமைப்பின் 3, 4, மற்றும் 12 (1), 12 (2), 14 (1) (2) உறுப்புரைகளுக்கு எதிராக உள்ளன என்று தெரிவித்து, ஒன்றிணைந்த எதிரணியின் நாடாளுமன்ற உறுப்பினரும் பிவிதுரு ஹெல உறுமய கட்சியின் பொதுச் செயலாளருமான உதய கம்மன்பிலவினால், நேற்று முற்பகல், இந்த மனுத் தாக்கல் செய்யப்பட்டது.  

இந்த மனு தொடர்பான தீர்ப்பு வழங்கப்படும் வரையில், வரி திருத்தச் சட்டமூலம் தொடர்பான விவாதம், நாடாளுமன்றத்தில் எடுத்துக்கொள்ளப்படாது என்று, பிவிதுரு ஹெல உறுமய கட்சி வெளியிட்டுள்ள அறிக்கையில் குறிப்பிடப்பட்டுள்ளது.