5% கடந்தால் சமூகப் பரவல்

இலங்கையில் கொவிட்-19 நோய் பரவலானது, இன்னும் சமூக பரவல் நிலையை அடையவில்லை என, சுகாதார அமைச்சு தெரிவித்துள்ளது.

'தற்போது மேற்கொள்ளப்பட்டுவரும் பி.சி.ஆர் பரிசோதனைகளுக்கு அமைய, 3.5 தொடக்கம் 4 சதவீதமானோரே தொற்றாளர்களாக அடையாளம் காணப்படுகின்றனர்' என, சுகாதார சேவைகள் பணிப்பாளர் நாயகம் வைத்தியர் அசேல குணவர்தன தெரிவித்துள்ளார்.
'ஆகையால், 5 சதவீதத்தைக் கடக்கும் பட்சத்திலேயே சமூகப் பரவல் ஏற்பட்டு உள்ளதாகக் கருத முடியும்' என்றார். 

கொரோனா வைரஸ் பரவலைக் கட்டுப்படுத்தும் செயற்பாடுகள் தொடர்ந்தும் முன்னெடுக்கப்பட்டு வருவதாகத் தெரிவித்துள்ள அவர், மக்கள் இதுவரை வழங்கிய ஒத்துழைப்பைத் தொடர்ந்து வழங்க வேண்டும் எனவும் கேட்டுக்கொண்டுள்ளார்.